یانارجانـــــیم اوغول دایـــــم سنین نار فراغیندا
نئجه پروانه لــــــــر هر دم یانـــــار شمعین آیاغیندا
گــــــــــول رویون هوسیله چیخـــــار افلاکه افغانیم
اولور بـــــــــولبول نواسی گول فـــــراقی اشتیاقیندا
سنین وصلین خیالیه گؤز و کونلـــــوم گـــــــــزر دایم
کی چون مجنون سر گشته گــــــزر لیــــلا سوراغیندا
نهـــــال قــــــــامتین ذکــــــــری منیم ورد زبانیمدیــــر
دمــــــادم نالــــــه ی قمـــــری اولور سروین بوداغیندا
او شیرن لبلرین شوقی گـــــونی گــــوندن اولور افزون
اگر فــــــــرهاد تــــــک یوز ایل دولانسام هجر داغیندا
حریصم بس کـــــی اول شـــــیرین زبانین ذکرینه هردم
اولـــــــــور خوش نطق لی طوطی شکر اولسا دماغیمدا
سنینن هـــجرین اودو عباس دخی چیخماز کی جانیمدان
سمنـــــدر تـــــــک یـــانــــار دائـــــم آنـــان نار فراغیندا
اوچوب شهباز تــــــــــــک کؤنلوم گزردی حسن باغیندا
پرو بالینــــــــی سیندیــــــــردی فلـــــــک بو پیر چاغیندا
گــــــوزومده تاردی دوران، مــــه و خورشید نور افشان
محاق ایــــــــچره اولـــــوب پنهان ساناسان چرخ طاقیندا
نه اولایــــــدی کور اولیدیم گؤرمیدیم، گول کیمی جسمین
قـــــالیبدیر تیـــــــــره خاک ایچره مزارین گول قیراغیندا
کؤنولــــــــده حســـــــرتیم قالدی مزارین حیف کیم بیر دم
سنی تا گؤرمـــــــــدیم خــــــــــرم اوغول داماد اوطاغیندا
نه دندیر انتظارایله او شهـــــــــــلا گؤز باخــــــار حیران
گوزوم اول گؤزلره قربان باخــــــار آهـــــــــــو سیاغیندا
همیشه زار و دل محزون، تؤکر گؤزدن سرشـــک خون
پریشان حــــــــالیه دایـــــــــم غـــــــم و محنت بو جاغیندا
غم هــــــــــجران ائــــدیب طغیان، قالیبدیر ناتوان سوزان
روان اشــــــــک بصر هریـان، اولان گؤزلر بولاغیندا
نوشته شده در سه شنبه هفدهم مهر 1386ساعت 0:16 توسط a t
|
یاریم مـــــنه ایــــــــــــــله بیــــــــر نظـــــــاره اولــــــــــــــدی جگــــــــریم هـــــــــــزار پاره
هــــــجرونـــــده منـــــــیم حـــــزین کـــــونلوم شعـــــــله چــــــــکیبان تـــــــوکـــــــــر شراره
بیــــــــــر آه چـــــــــکیب فغـــــــــان ائدهم من تـــــــــا اود دوشــــــــــه دشــــــت و کوهساره
جـــــــان گئتـــــــــدی سنیـــــــــــن یولوندا باده ای دوســــــــــت بـــــــــــو درده وارمی چــاره
لیلـــــــــی سنیــــــــــد ین سنــــــی سئــــــــونلر مجنـــون کیمـــــــــــی دوشـــــــــــــدوروزگاره چوخــــــــدور سنــــــــــون عاشیقـــــین اگرچه بیـــــــــر مـــــــــــن کیمــــی یوخدی بختی قاره
حیـــــران گــــــؤزی یولــــدا قالـدی جانان
قیـــــــــــل چـــــــــاره بو درد انتــــــظاره
نوشته شده در سه شنبه سی ام مرداد 1386ساعت 0:11 توسط a t
|
نقــــــدر گــــــر اولا بو چوخ جفـــا جوده بلا
اولمـــــــاز اولقـــــدر کی وار اول بت بد خوده بلا
نه بلا لر گتــــــــــــیریر باشیما چشمین یا رب
نقــــــــدر واریمـــــــش اول نــــــرگس جادوده بلا
خط و خال وسر زلفینـدن اولوب قان اوره گیم
کــــی گـــــــــوروب دور بو قدر لشکر هندوده بلا
مردم دیده لـــــریم رنـجه ی اشک ایچره مدام
رســــــــم دور کیم کی غریق اولسا چکر سوده بلا
ای کونول زلفیله ابروسینه میل ائتـــمه کی وار
چیـــن زلفینــــــده خــــــطا اول خـــــــم ابروده بلا
تاپاجاق دور منی هر یئرده کی اولســـــام گویا
اؤلــــــمه ســـــم من قالاجاق دور غم و غیقوده بلا
گؤرممـــــــک یاری بلا، گؤرمگی غیریله بلا
سیـــــــــدا دوش ییخیــــــــــل اؤل اوده بلا بودا بلا
حاج سید عظیم شیروانی
نوشته شده در دوشنبه بیست و نهم مرداد 1386ساعت 17:57 توسط a t
|
دولانــدیر جامی ایچدیر بیزلـــــره ساغرده ن ای ساقــی
محــــبت ســــهل سانمیشد یر قلیب موشگل ده «رزاقی»
صبا عنبر تئلینده ن تا آچـــــــا سر چشمه ی مـــــوشگی
اوره کـــــــــــلر تــاب زولفونده ن قلیب قانلاردا مشتاقی
منه لیلا مقامیندا خطـــــــادور فــــــــــارغ اگــــــلشمک
کـــــی کــــاروان سسله نــیر دائم: یغیشدیر بو اوتوراقی
شرابیلن بویا سجاده نـــــی پیــــــرون وئـــــره فتــــــــوا
طــــــــریقت یـــــول لاریندا سالک آنلار رسمی، میثاقی
قرانلیق دالغالاردان، بورلوغان بیمینده خــــــــوف ائـتمز
قــــــــوران دریـــــــا کناریـــــندا بهزه نمیش بزم ییلاقی
منم من سویله مک ده ن خوش آدیــم آخر خراب اولدی
نئـــــجه گیزلین قالار بیر سرّ کی دولدورسون ییفینجاقی
تغافل ائتمه نزهت یارده ن- سعی ائیـــــــــــله حافظ تک
آتـــــان افسانـــــــــه دونیانــــــــــی - تاپار مشهور آفاقی
حکیم نزهت تبریزی (شعرحافیظ ده ن )
نوشته شده در دوشنبه بیست و نهم مرداد 1386ساعت 17:41 توسط a t
|
آچ بو ســـــرا پرده نی، گیر ایـــــچری جانــــــه باخ
گـــــــــؤر نـــــــــه تجـــــــلی قیلـــــیر پرتو جانانه باخ
دوستون آیاغی توزون سورمه ائدین گــــــوزه کـــی
عشقــــــله اونــــــدان دؤنـــــــــــوب طلعت سلطانه باخ
عکسینی گر اول اوزون ایستیــــه سن گـــــــؤرمگه
کـــــافــــــری آلتیندا کـــــــی شعلـــــه ی ایمانـــــه باخ
آچدین ایسه حق گؤزون گؤرمک اوچون حق اوزون
جــــــانیله جـــــانان اوزون آینـــــــه ی جانـــــــــه باخ
صومعـــــــــه و مسجـــــــده،گوشــــــــه نشین الوبان
کــــــافــــری کســــــــوت گئییب سن بو موسلمانه باخ
گؤزلـــــــروون آیتــــــی عکـــــــــسی عیان گؤسترر
دیـــــــــلرایــــــــسن گــــــــؤرمگه صورته انسانه باخ
نئچــــــــون اگـــــــر شیرســـــن ایشــــــده زنهارسن
مورچـــــــه لــــــــردن اولــــــــو گورمگه مردانه باخ
وصل روخـــــون جانــــه یار چونکی دئمیش وئررم
آل ای نســــــیمی اونـــــــو قیمــــــــــــتی ارزانه باخ
عماالدین نسیمی
نوشته شده در شنبه بیست و هفتم مرداد 1386ساعت 8:26 توسط a t
|
واریمــــدی سینــه ده درد و غم نـــــهان ئولورم
فـــــدا اولــــــوم سنه گل ائیله امتحـــــان ئولورم
فراغـیدان گئــــــجه لر یاتمارام صبـــــاحه کیمی
خیال زلفـــــــونه باغلی گئدیبدی جـــــان ئولورم
بــــــــــــهار حسنون آرا گؤر نئجه خـــــزانم من
بهار لاله سی تک باغیریم اولـدی قان ئــــولورم
ورق ورق دل و جان هـــجرین ایچره اودلاشدی
مثال کنــــــجفه صــــــد پاره اولدی جان ئولورم
او خاکــــــــی پایئنــــــی مـــــن آشیان ائتمیشدیم
وطنـــــدن آیــری دوشوب ایندی لامکان ئولورم
دئـــــدین چـــــــک الــــینی دامنمیدن ال چکدیم
ترحـــــم ائیلـــــمه دیــــن آخیرای جوان ئولورم
چــــــکردیـــــــم حسرتینی گؤرمه دیم خدا حافظ
نظاره ائیلـــــــمه دیـــــن آه الامــــــــــان ئولورم
فـــــــــدا او قامتینه کیم قضا نــه خوش چکمیش
قـــــدر بوکـــــوب بئـــــلیمی ائیلیب کمان ئولورم
فراقـــــــــدان تــــــوکنیب تــــــــاب و طاقتیم بالله
وصالـــــــه یئتــــــــمز الیـم زار و ناتوان ئولورم
خورسید بانو ناتوان
نوشته شده در چهارشنبه بیست و چهارم مرداد 1386ساعت 23:59 توسط a t
|
دلبــــــــرا دردی دلیمـــــــــدن بیله عنوان ائتدیم
کی غمــــــــــه هـجرده دل ملکونو ویران ائتدیم
ممـــــکن اولماز منه وصلین بیلیرم حشره کیمی
اول سبب مسکنیمی کــــــوه و بیابـــــــان ائتدیم
عشـــــق سلطانـــــــی منیم قتلیمه فرمان گتیریب
ائتمــــــه دیم تــــــــرک وفا طاعتی فرمان ائتدیم
سری کویوندا قویـوب باشیمی بیر اوف دئمه دیم
سری صدقیلـــــــه دل و جانیمــــــی قربان ائتدیم
یا طبیب آدینــــــی تــــــــــرک ائیله طبابت ائتمه
یا منیم دردیمـــــــــــی تاپ گؤر نییه توفان ائتدیم
یوخدی بیر کیــــمسه مگر دردیمی بیلسین یا رب
کی من ئوز قانیمــــــــــــیله دردیمه درمان ائتدیم
دردی هـــــــجرینده گؤزوم یاشی توتوب دونیانی
نوح توفانـــــــــــــی کیمی گؤرکی نه توفان ائتدیم
ناتوان ائتمــــــــه دی اول سنــــــگ دلــــه ناله اثر
گئجه-گوندوز نقــــــدر نالـــــــه و افغــــــان ائتدیم
خورشید بانو ناتوان
نوشته شده در چهارشنبه بیست و چهارم مرداد 1386ساعت 7:15 توسط a t
|
نه بو گـــــون باغیدا یاریـم نه می یم وار منیم
سئـــــــیر گــــــلزارده بیــــهوده نه ییم وار منیم
ســـــــیزی تانــــری یئتیرین پیر خراباته منی
کی بو گون ساقـــــــــی الیندن گیله ییم وار منیم
منه معــــــــجون می لعـــلی دوادور ساقـــــی
کــــی غــــم هـــجرایله جسمیمده کیمیم وار منیم
جان سنین، جیسم سنین، امر سنین، فعل سنین
جمـــله سنسن بـــــو آراده نه شـــــی یم وار منیم
منــــی سید تکــــــی چــک گوشۀ میخانه لره
آرتیــــریــــر غـم داخی، مسجده نه ییم وار منیم
حاج سید عظیم شیروانی
نوشته شده در چهارشنبه بیست و چهارم مرداد 1386ساعت 0:30 توسط a t
|
(خان ننه) هایاندا قالدین
بئله باشیوا دولاننام
نئجه من سنی ایتیردیم!
دا سنین تایین تاپیلماز
سن اؤلن گون عمه گلدی
منی گؤتدو آیری کنده
من اوشاق نه آنلایایدیم؟
باشیمی قاتیب اوشاقلار
نئچه گون من اوردا قالدیم.
قاییدیب گلنده، باخدیم
یئریوی یغشدیریبلار
نه اؤزون، و نه یئرین وار
«هانی خان ننه م؟»سوروشدوم
دئدیلرکی:خان ننه نی
آپاریبلا کربلایه
کی شفاسین اوردان آلسین
سفری اوزون سفردیر
بیر- ایکی ایل چکر گلینجه
نئجه آغلارام، یانیقلی
نئچه گون ائله چیغیردیم
کی سسیم- سینه م توتولدو
او، من اولماسام یانین دا
اؤزو هئچ یئره گئده نمز
بو سفر نولوبدو، من سیز
اوزو، تک قویوب گئدیبدیر؟
هامیدان آجیق ائدر کن
هامیا آجیقلی باخدیم
سونرا باشلادیم کی من ده
گئدیرم اونون دالینجا
دئدیلر:سنین کی تئزدیر
امامین مزاری اوسته
اوشاغی آپارماق اولماز
سن اوخو قرآنی تئز چیخ
سن اونو چیخینجا بلکه
گله خان ننه سفردن
تله سیک،روانلاماقدا
اوخویوب قرآنی چیخدیم
کی یازیم سنه گل ایندی
داها چیخمیشام قرآنی
منه سو وقت آل گلنده
آمما هر کاغاذ یازاندا
آغامین گوزو دولاردی
سنده کی گلیب چیخمادین
نئچه ایل بو انتظارلا
گونو، هفته نی سایاردیم
تا یاواش یاواش گؤز آچدیم
آنلادیم کی، سن الؤبسن!
بیله بیلمیه هنوزدا
اورگیمده بیر ایتیک وار
گوزوم آختارار همیشه
نه یاماندی بو ایتیکلر
خان ننه جانیم، نولایدی
سنی بیرده من تاپایدیم
او آیاقلار اوسته، بیر ده
دؤشه نیب بیر آغلایایدیم
قولو حلقه سالمیش ایپ تک
او آیاغی باغلایایدیم
کی داها گئدنمیه دین
گئجه لر یاتاندا،سن ده
منی قوینووا آلاردین
نئجه باغریوا باساردین
قولون اوسته گاه سالاردین
آجی دونیانی آتارکن
ایکیمیز شیرین یاتاردیق
یوخودا لولو آتارکن
سنی من بلشدیرهردیم
گئجه لی سو قیزدیراردین
اوزووو تمیزله یه ردین
گینه ده منی اوپردین
هئچ منه آجیلامازدین
ساواشان منه کیم اولسون
سن منه هاوار دوراردین
منی، سن آنام دؤینده
قاپیب آرادان چیخاردین
ائله ایستیلیک او ایستک
داها کیمسه ده اولورمو؟
اوره گیم دئییرکی یوخ- یوخ
او درین صفالی ایستک
منیم او عزیزلیگیم تک
سنیله گئدیب،توکندی
خان ننه اؤزون دئیردین
کی:سنه بهشت ده، الله
وئره جک نه ایسته ییرسن
بو سوزون یادیندا قالسین
منه قوولونو وئریبسن
ائله بیر گونوم اولورسا
بیلیسن نه ایسته رم من؟
سؤزومه دوروست قولاق وئر!
«سن ایلن اوشاقلیق عهدین»
خان ننه آمان، نولایدی
بیر اوشاقلیغی تاپایدیم
بیر ده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغیندا بیر یاتایدیم
ائله بیر بهشت اولورسا
داها من اؤز آللاهیمدان
باشقا بیر شئی ایسته مزدیم
تبریز: شهریار یئتمیش یاشیندا
1355مینجی ایلین فروردینی
نوشته شده در دوشنبه بیست و دوم مرداد 1386ساعت 23:28 توسط a t
|
«مجنـــــــون ایله من مکتب عشق ایچره اوخوردوق
مـــــــن مصحـــــــــفی ختم ائتدیم او (والیل) ده قالدی»
بیر گون ده ائشیتدیک کی دوشوب چوللره (مجنون)
واللــــــیل اولـــــــوب وردی،جـــــــوانــکن ده قوجالدی
بیر گـــــــون ده خــــــــبر گلدی کی واللیلی سی ایله
جــــان وئــــــــردی، جهان ایـــچره یامان ولوله سالدی
خرداد 56 شهریار
نوشته شده در دوشنبه بیست و دوم مرداد 1386ساعت 23:27 توسط a t
|
 |
POWERED BY BLOGFA.COM |
|